Рики Мартин хуримаа хийнэ

Н.МӨНХЖИН

Ижил хүйстэн гэдгээ олон жилийн өмнө ил тод зарласан нэрт дуучин Рики Мартин одоогийн найз залуу Жван Ёсефтэй гэрлэхээр шийдсэн гэдгээ Ellen DeGeneres Show нэвтрүүлэгт оролцох үеэрээ хэлжээ. “Би түүнээс надтай гэрлэх үү гэж асуух гэтэл тэр надад сүйн бөгж санал болгосон. Би өвдөг сөгдөж байгаад авсан” хэмээн Р.Мартин өгүүлжээ. Тэдний харилцаа улам нягт болсоор байгааг пуэрто-рико дуучин онцолсон байна. Тэрээр өөрөө латин, найз залуу нь сири гаралтай тул хурим тун өвөрмөц болно хэмээн ярьсан юм. Рики Мартин хоёр жил гаруйн өмнөөс Жваныг хамтрагчаараас сонгосон аж. Сири гаралтай, урлагийн чиглэлээр боловсрол эзэмшсэн Жван эдүгээ Швед, Англид амьдардаг. Р.Мартин 1998 онд Францад болсон хөлбөмбөгийн дэлхийн аварга шалгаруулах тэмцээний сүлд дууг дуулж нэрд гарч байсан билээ.