Барселона заналт өрсөлдөгчөө буулгаж авлаа
Испанийн
Ла Лига-ийг тэргүүлж буй Барселона-Реал Мадридын тулаан Камп-Ноу цэнгэлдэхэд
боллоо. Эзэн хааны баг өрсөлдөгчөөсөө нэг онооны дутуу байсан юм. Тоглолтын 18
дахь минутад “Барса”-гийн хамгаалагч Жереми Матье Мессигийн дамжуулсан
бөмбөгийг мөргөж гоол оруулав. Гэвч 31 дэхь минутад Реал-ын супер довтлогч
Роналдо тооны харьцааг тэнцүүлсэн юм. Хоёрдугаар үед Алвесийн алсын
дамжуулалтыг хүлээн авсан Луис Суарес Реал-ын хаалгач Касильясын алсын буланд цохиж
гоол оруулснаар Барса занал өрсөлдөгчөө буулгаж авчээ. Ийнхүү Каталоны супер
клуб Реалаас дөрвөн онооны илүүтэй боллоо. “Эль-Класико” хэмээн нэрлэгддэг
Испанийн хоёр супер багийн тулааныг цэнгэлдэхэд 98 мянган үзэгч үзсэн бол, зурагтаар дэлхий даяар 400 сая хүн үзэж сонирхжээ.
No comments:
Post a Comment